乜都得,乜都好好好,乜都有得諗
「理論堂七百,實踐課九百,
同一單位四人以上報名可獲八折優惠,教會資助減一半
嘩！一個活動都係六百四十咋！抵呀!」-------你睇似唔似修身班廣告?
「另外每個導師另需訂製制服,加上配件大約千四,
都唔收你咁貴,計你學生優惠都只係二百一
嘩!你睇幾抵?」-------------------你話似唔似健康舞班廣告?
結果參加左某d活動時候
一到你話要quit,功課忙,無晒錢既時候,
或者你發現俾既錢越黎越多既時候:
「你上頭兩個班唔夠架,要上多個班先得
咁E個班就好平既,係幾錢幾錢」
一開始你身邊叫你參加既朋友就反轉豬肚全是屎!
無人會尊重你既難處,淨係識得叫你盡量參加!
「你參加e個班,你到而家一蚊都未出過,教會幫你出晒,
做人有權利就有義務,你點可以半途而廢?」
-----當初同你講錢銀唔使煩,到走既時候就乜數都拎晒出黎講
(我無付出架?我唔使搭車用時間?車錢你俾呀?)
「你身為一個大學生,點會無錢呀?你可以去做part-time架嗎」
-----到你真係拎唔出錢既時候就迫你去打工,黑過黑社會
我至憎人講e句:
「你講你有咩理由quit我地商量下,你諗真d啦,我會尊重你既決定」
-----同教會d人講返想quit又唔俾quit,又要講理由,講左佢又唔理個理由
大學忙唔係理由--->「你身為一個大學生,連少少時間管理都做唔到?」
用晒d錢唔係理由-->「錢唔係問題既,我可以借住俾你先」(借左唔係錢呀?唔使還你d錢呀?你同唔收息既放數有咩分別?只係爭你既係人情!!!)
理由唔再係理由---->「點講都好,我地對你咁好,你唔係唔知架,咁都唔可以克服到所有困難?」
總之話尊重你決定,但經常要鼓勵下你join返個活動
尊重個屁!商量個屁!
尊重但唔體諒,商量結果係要一意孤行
總之無論你join咩活動,即論返教會,發現唔適合自己既時候
佢地都會用盡朋輩壓力,情感勒索你
「我地對你咁好,你唔係走呀?」
「講個理由出黎商量下」:你永遠講唔嬴佢的,因為佢永遠是對的
「你諗清楚d先啦,我係為你好」x1000次.....
不停好似唸經咁叫你諗清楚d
言下之意係你既決定唔岩,你諗清楚d就知佢個個先係岩架喇
連基本既信任都做唔到,何言愛
名為關心,體諒,實情直至你本人死去或者你重返大家庭先會心息
唔想煩/唔想失去朋友唯有返去
e種係勒索,係以情感去勒索你
以愛之名令當時人受盡壓力
比強姦更可恨既係,你以愛之名迫令當時人受盡傷害,迫使服從既同時
如果反抗仲要受盡自己內疚感煎熬
明明係一個活動既層次要提昇到交情,朋友既關係
令人感到如果唔照你說話做就會傷害感情
似係幼兒以痛哭手段令父母不得不買玩具一樣既情感勅索
哼!你地所謂既愛係霸佔,摧毁同破壞,必要時一拍兩散
愛太沉重,但人人輕言愛
好似環保一樣政治正確,掛係口邊會令人聲價百倍
所以我唔鐘意一d連生日卡都要印上基督教/愛字句既卡片
生日卡只要生日快樂就夠了,,,,即使我唔係收,我都唔想到處宣揚便宜的愛的觀念
愛，說得太輕易,似係廣告傳單一樣四處印刷
父母迫令兒女去從事自己不喜歡既工作,都話自己係愛,係為你好
但唔係!!!e d叫做宰制,你根本唔理會本人既意願
你如果生命係愛,你既生命已經影響左生命,唔需要你再掛係口邊
你如果行為係愛,你既行為已經感動左別人,唔需要你自己幫自己宣傳
你如果真正關心體諒別人,你應該明白每個人生命既意義係唔同,對你好既野,對人未必好
有時唔一定試過先知個樣野唔岩自己
我永遠都會問你e句:
(我試返,如果唔岩,係咪可以quit先?)
我未試過唔代表我唔了解!!!
耶穌說：『我來了，是要叫人得生命，並且得的更豐盛。』
咁麻煩你高抬貴手,俾我地可以過更豐盛既人生,而唔係要單一地跟從你既指示
希望我個妹最後可以成功quit到個基督x年軍,唔使再俾人煩(鼓勵),唔使再咁內疚
唔需要再受到咁大壓力,可以從心所慾去做喜歡的事
「凡事都能作,但都不是一定有益的」希望能得到真正自由(free)--->free from god
